FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
თსუ ჰუმანიტარულო მეცნიერებათა ფაკულტეტის კლასიკური ფილოლოგიის, ბიზანტინისტიკისა და ნეოგრეცისტიკის სასწავლო–სამეცნიერო ინსტიტუტი ტრადიციულად მასპინძლობს სტუდენტთა საერთაშორისო კონფერენციას "ანტიკურობის თანამედროვეობა", რომელიც ჩატარდება 2025 წლის 14-16 მაისს ჰიბრიდულად, თსუ მერვე კორპუსსა (ი. ჭავჭავაძის გამზ. N 13) და ონლაინ პლატფორმა ZOOM-ის საშუალებით.
წლევანდელი კონფერენცია გამორჩეულია, რადგან ეძღვნება ცნობილი ქართველი ელინისტის, თსუ ემერიტუსი პროფესორის, აკადემიკოსის, საქსონიის მეცნიერებათა აკადემიის წევრ-კორესპონდენტის, თსუ კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის დამაარსებლის, რისმაგ გორდეზიანის დაბადებიდან 85-ე წლისთავს.
მოხარული ვართ, რომ კონფერენციაში მონაწილეობს სამივე საფეხურის 25 სტუდენტი 9 ქვეყნიდან (ანბანურად): ბრაზილია, ბულგარეთი, იაპონია, იტალია, კოლუმბია, რუმინეთი, საბერძნეთი, საქართველო, უკრაინა.
კონფერენციის ფარგლებში იმუშავებს შემდეგი სექციები: კლასიკური ფილოლოგიის აქტუალური საკითხები; ანტიკური სამყაროს ისტორია; ანტიკურობის რეცეფცია მსოფლიო კულტურაში; კლასიკური ენების ლინგვისტიკა; ბიზანტინისტიკისა და ნეოგრეცისტიკის აქტუალური საკითხები.
გიზიარებთ კონფერენციის ZOOM ლინკს:
ZOOM link:
Join Zoom Meeting
https://us02web.zoom.us/j/89716064383?pwd=YW4veUFiZ0RuYkFqZEx6 WmtPckYvQT09
Meeting ID: 897 1606 4383
Passcode: 784685